https://whatsapp.com/channel/0029Va9CNhj2phHQFeKqhY0u

శివ!

ఎప్పుడూ మూసి ఉండడానికి మూడు కన్నులెందుకయా ముక్కంటిశ...

మాయలో మా కన్ను మూసుకొన్న మాకు జాగారమేలయా జంగమయా..

మాలో మదమత్సరము అణచగా మూడోకన్ను తెరవవయా త్రినేత్రా.

మహాదేవా శంభో శరణు.

నీ చిరునవ్వుల చిరుజల్లులు నా పై కురిపించి వెళ్ళు.... అరుణాచల

 కట్టెను

కాటిని

వెలకట్టి అమ్మేటి ...

ఈ లోకంతోనే

నీకు నీవుగా మహాదేవునిగా

" చాలా పని ఉంది తండ్రీ " ...

శివోహం శివోహం

ఈశ్వరా!

ఈ లోకం తీరు ఊరు దాటిన

కాటిలో కూడా కనబడుతుంది

జీవితం ఉన్నన్నాళ్ళు కానని

బంధువులు బంధాలు మిగిలిన

రూకల నూకలు గురించి తగవులాడి

చివరి ప్రయాణం కూడా ప్రశాంతత

లేని తీరుగ కట్టెకు కాటికి కూడా

ధర కట్టి కలియుగంలో ధర్మం లేదని

ఋజువులు చేస్తున్న రోజులివి శంకరా

చివరి క్షణాల వేదనలో నీవే తోడుగా

నిలిచి జీవాత్మకు ప్రశాంతత కలిగించే

పని చాలా మిగిలిపోతుంది సర్వేశ్వరా

తండ్రీ

నీవే కదా ...

జననమైనా జ్ఞానమైనా

దేహమైనా ధ్యానమైనా ...

కష్టమైనా కాష్టమైనా

భిక్షమైనా భస్మమైనా ...

మంత్రమైనా మౌనమైనా

మరణమైనా మోక్షమైనా ...

శివోహం శివోహం

నేనైనా నువ్వైనా

నీవే కదా ఈశ్వరా

అయినా జీవునిగా

ఆరాటం నిత్య పోరాటం

నిను ఆరాధించడం మినహా

ఏమీ చేయలేను, అన్నీ నీవే

అయి నిలబడు పరమేశ్వరా

ఓం నమః శివాయ శివాయై నమః

నీదైన

జీవిత పయనంలో ...

నీకు తెలిసినది

గొప్పదే కావచ్చు ...

కానీ .....

నీకు తెలియనిది

ఇంకా చాలా చాలా గొప్పది ...

శివోహం శివోహం

శివప్పా

నీ స్నిగ్ధ సౌందర్య

సమ్మోహన రూపానికి ...

నాలో

నేను వివశున్ని ...

నాలో

నేను విరాగిని తండ్రీ ...

శివోహం శివోహం

నిన్ను

నీవు ప్రశ్నించుకోలేకపోతే

నీలో

నీవు తొంగి చూసుకోలేకపోతే ...

లోన ఉన్న

ఆ మహాదేవుడు మాత్రం

ఏమి చేయగలడు

కర్మాణుసారం వదిలేస్తాడు అంతే ...

శివోహం శివోహం

శివుని యందు ఉన్న

అచంచలమైన ఆత్మ విశ్వాసానికి ...

ఏ విధమైన సడలింపులు

సవరణలు ఉండనే ఉండకూడదు ...

శివోహం శివోహం

తండ్రీ

శివప్పా

నిరీక్షిస్తూనే ఉంటాను

చివరి క్షణం వరకు

నీవు కనిపిస్తావేమోనని ...

ప్రార్థిస్తూనే ఉంటాను

తుది ఘడియ వరకు

నీవు పలకరిస్తావేమోనని ...

శివోహం శివోహం

శివప్పా

నీ గురించిన

కొన్ని భావాలు ...

మాటల్లో కన్నా

మౌనంగానే బాగుంటాయి ...

ఏ కన్నీటి ధారలగానో

ఏ ఆనంద భాష్పాలగానో తండ్రీ ...

శివోహం శివోహం

శివప్పా

నీ రుద్రం

నా హృదయ సాగరంలో

ఎగిసిపడే అలలా ఉంటుంది ...

నీ నమకం

నా నుదుటిపై విభూదిలా

నమ్మకంగా నిలుస్తూ ఉంటుంది ...

నీ చమకం

నా చితిమంటల కడదాకా

చేరువుగా వస్తూనే ఉంటుంది ...

నీ మహాన్యాసం

నా ముగింపు వేడుకలలో

మవునంగా నిలిచి ఉంటుంది తండ్రీ ...

శివోహం శివోహం

తెలుసు

నివసిస్తున్నది

మాయా ప్రపంచంలోనని ...

అందుకే

జీవిస్తున్నా

నీ సత్య నిజలోకంలో తండ్రీ ...

శివోహం శివోహం

శివప్పా

ఏ పెద్ద జ్ఞానమో వద్దు ...

నిన్ను తెలుసుకునే

ఎరుక చాలు తండ్రీ ...

శివోహం శివోహం

శివప్పా

మది నిండా నీ రూపమే

హృది నిండా నీ ధ్యానమే ...

తనువంతా నీ తత్వమే

ఇక నేననే నా ఉనికి ఎక్కడ తండ్రీ ...

" అంతా శివమయమే "

శివోహం శివోహం

లోపల ఉన్న

వ్యవస్థలు అన్నీ

ఏ లోపాలు లేకుండా ...

నిరంతరంగా

నిరాఘాటంగా

నడయాడుతూ నర్తిస్తున్నాయంటే ...

నిటలాక్షుని

దయా దాక్షిణ్యాల

మహా ప్రసాదమని మరచిపోకు ...

శివోహం శివోహం

కైలాసం అంటే

ఎక్కడో ఉండదు ...

శివుని ముందు

నీవు కూర్చున్న చోటే కనిపిస్తుంది ...

శివోహం శివోహం

శివప్పా

నిన్ను

కరిగించి కదిలించే

కన్నీటి కృతులను రాయలేను ...

నీవే

నీ కైలాసాన్ని కాదనుకుని

నా కోసం కదలి రావయ్యా తండ్రీ ...

శివోహం శివోహం

 శివా!నీ స్మరణలో అనుక్షణం

నీ స్పురణకై నిరీక్షణం

కురియనిమ్ము నీ కటాక్ష వీక్షణం

మహేశా ..... శరణు .

శివా!గతమేమొ తెలియ గతి నెరుగలేను

భవిష్యత్ ఏమవునో ఊహించలేను

వర్తమానమున మెటులో వివరించుమా

మహేశా . . . . . శరణు .

శివా!నీ స్మరణలో అనుక్షణం

నీ స్పురణకై నిరీక్షణం

ప్రసరించు నీ వీక్షణం

మహేశా ..... శరణు .

శివా!నా గుండె బండరాయి అనుకున్నా

నీ నామం పలుకుతుంటె తెలిసింది

అది బండరాయి కాదు పలుకురాయని .

మహేశా . . . . . శరణు.

శివా!నా కృతుములన్నీ కలచి వేస్తున్నాయి

గతమునంతా నాకు గుర్తు చేస్తున్నాయి

నమ్మి కొలిచితి నిన్ను హితము చేయి

మహేశా .....శరణు..

శివా!కీలుకో వాత రోగానికో మందు

ఇలా ఎన్నెన్నో మరెన్నో మారుతువున్నా

సర్వ దుఃఖ హరణము నీ నామ స్మరణమే

మహేశా . . . . . శరణు .

శివా!శూలాన్ని దరియించి చక్రాన్ని తిప్పేవు

నాదాన్ని పూరించ శంకాన్ని కూడేవు

వాదాలు తొలగంగ వేదాన తెలిసేవు

మహేశా . . . . . శరణు .

శివా!ఏమి అనుకుంటున్నావో

అది నాకు వినిపించు

అది నాతో అనిపించు

మహేశా . . . . . శరణు .

శివా!చిత్తంలో చిరు జ్యోతివై

బాహ్యంలో బ్రహ్మాండ తేజానివై

అంతటా అన్నిటా అమరివున్నావు

మహేశా ..... శరణు.

శివా!ఏకోన్మఖముగ ఎదగాలి

ఏకాక్షితొ నిన్ను చూడాలి

అందుకు నీ కరుణందాలి

మహేశా . . . . . శరణు .

తెలియాలి తెలియాలి

నీవెవరో నీకు తెలియాలి

తెలియగ చేయాలి సాధన

తెలిసిన తీరిపోవు వేదన

భ్రమలన్నీ తీరగ

భగవానులు తెలిపిన

పంచాక్షరి మంత్రం

ఇది సత్యం యిదె తత్వం

బాహ్యమైన నీ చూపు

బంధాలను కూర్చేను

చేతనైతె లోచూపు

బుద్దునిగా మార్చేను

అనేకమైన బంధాలు

ఆశ పెంచుతున్నాయి

నిత్యమైన బంధాన్ని

దూరం చేస్తున్నాయి

మార్గమెరిగి పయనించు

తీరమెరిగి దర్శించు

దరి జేరదు ఏ జన్మ

కడతేరగ ఈ జన్మ

శివా!భక్తికే గాని బహుమతులకు అందవు

అనుభూతికే గాని అక్షులకు అందవు

ఆద్యంతములయిన నీకు ఆద్యంతములు లేవు

మహేశా . . . . . శరణు .

శివా!భ్రాంతిలో బ్రతికేను శాంతికై వెదికేను

వెలుగైన నీవు నా వెంటరావయ్యా

గతి నెరిగి గమ్యాన్ని చేరువరకు

మహేశా ..... శరణు.

శివా!నీ పదమునె నా పదములు వడివడిగా వేస్తున్నా

ఎదయెదలో నీవంటే ఎద తెలియగ చూస్తున్నా

తిరగలేదు నా చూపు తెలియలేదు లోచూపు.

మహేశా . . . . . శ‌రణు .

శివా!నిన్ను నాలో నిలుపుకున్నాను

నన్ను నీలో చేర్చుకోమన్నాను

తనువులు ముగిసేలా చూసుకోమన్నాను

మహేశా . . . . . శరణు .

శివా!అవినాభావ సంబంధానికి ఆనవాలు నీవు

నేను కైలాసం చేరటం కష్టసాధ్యమని

కైలాసాన్ని నాలోకి జొప్పించి కాపుకాసావా

మహేశా . . . . . శరణు .

శివా!ఈ పయనంలో ముగిసిందో మజిలి

తెలియని మజిలీకి తరలి వెళ్తున్నా

మజిలీలు ముగియనీ కథ కంచికెళ్ళనీ

మహేశా . . . . . శరణు .

శివా!నా స్పురణ లోకి రాకుండా

నా స్మరణలో సాగకుండా

ఎందు యేగుతున్నావు ఏలికా

మహేశా . . . . . శరణు .

శివా!ఆలోచనకు అందేవు

లక్షణాలు తెలిపేవు

అక్షరాన విరిసేవు

మహేశా.....శరణు .

శివా!శోధనకు సాధన తోడు

సాధనకు సహనం తోడు

సహనానికి నీవే తోడు.

మహేశా . . . . . శరణు

శివా!ద్వందమును దాటలేకున్నాను

అద్వైతమును ఎరుగలేకున్నాను

ఆచరణ సాగగా అనుభూతిగ అందించు

మహేశా . . . . . శరణు .

శివా!ఒక ఆకారాన్ని చుట్టబెట్టి

దానికి పలు వికారాలు కట్టబెట్టి

నిరాకారాన నీవు వేడుక చేసావు

మహేశా . . . . . శరణు .

శివా!కొండలు గుండెలు బండలు

వాటితో చేసావు సహవాసము

ఎలా మలచుకున్నావు వాసయోగ్యము

మహేశా . . . . . శరణు .

శివా! విశ్వ దర్పణాన తిలకించ

అసలు నీవు నకలు నేను

నకలు తొలగించు అసలు నెరిగించు

మహేశా. . . . . శరణు.

శివా!కంటబడకున్నా వెంటనీవుండ

ఒంటరి వారెవరు ఈ విశ్వమందు

నమ్మి పలికేను నేను నిటలాక్షా

మహేశా . . . . . శరణు .

శివా!తెలియ చూచుచుండ తెలియరావు

కలియ తిరుగుచుండ కానరావు

యుక్తి నెరిగించు యుక్తమవగ

మహేశా . . . . . శరణు .

శివా!ఏ కట్టె కాలినా మరే కట్ట కూలినా

నీ నామాల నిచ్చెనకు నిప్పంటునా

ఆ ఆలంబనమున నినుచేర తిప్పలుండునా

మహేశా . . . . . శరణు .

శివా!కరుణ కోరగ నిన్ను స్పురణగా వచ్చేవు

ఆ స్పురణలో నీ కరుణ తెలియజేసావు

తెలిసేవయా ఇలా విరిసేవయా

మహేశా . . . . . శరణు .

శివా!ఎదురెదురుగ ఎన్నాళ్ళు

ఎడబాటుకు ఎన్నేళ్ళు

ఏదో ఒకటి అవనీ నీలో నన్ను చేరనీ

మహేశా . . . . . శరణు .

శివా!నీవు ఎక్కడ వుంటావో తెలుసు

నేను ఎక్కడ వున్నానో తెలుసు

గణపతి తోడవనీ గమ్యం చేరేవరకు

మహేశా . . . . . శరణు .

శివా! నీ ఆస్థానం నాకు లయస్థానం

అందు అడుగిడనీ నేను విడివడనీ

దేహ బంధాలు ఇంక తెగి పడనీ

మహేశా . . . . . శరణు .

శివా!నా నుదిట మెరిసేది నీ నామమే

నా నోట నలిగేది నీ నామమే

నా మాట,నా బాట నీ నామమే

మహేశా . . . . . శరణు .

శివా!స్పురణగా తెలిపించు

వరముగా వినిపించు

ఫలముగా పలికించు

మహేశా . . . . . శరణు .

శివా! కోపతాపాలను కాల్చివేయి

లోపాలు శాపాలు తుడిచివేయి

నీటినైనా నిప్పునైనా నన్ను శుద్ధిచేయి

మహేశా . . . . . శరణు.

శివా!లింగమూర్తిగ నిన్ను ధ్యానించగా

ఆలింగనమున నన్ను అనుగ్రహించేవా

భక్త సులభుడవు అనిన నీవే కదా

మహేశా . . . . . శరణు .

శివా!తొలి దైవమై నీవు ఒప్పి వున్నావు

తొల్లింటి వానిగా తెలిసి యున్నావు

తొలి పూజ కెందుకో తరలిరావు.

మహేశా . . . . . శరణు .

శివా!సాధన చేయగ దేహాన్ని యిచ్చావు

సందేహాలు తీరగ గురుతత్వాన తెలిసావు

నా కన్ను చూడగా కానరావా

మహేశా . . . . . శరణు .

 శివా!నీ అడుగులకు మడుగులొత్తాలన్న

నా సంబరం అంబరమైపోయే

దిక్కులు మడుగులు చేయ నాత‌రమా

మహేశా . . . . . శరణు.

 శివా!విశ్వమే నీవు విశ్వంలో నేను

నీలో నేను నాలో నువ్వు

ఏకమై వున్నాము అనేకంగా

మహేశా . . . . . శరణు .

 శివా!భక్తికే గాని బహుమతులకు అందవు

అనుభూతికే గాని అక్షులకు అందవు

ఆద్యంతములయిన నీకు ఆద్యంతములు లేవు

మహేశా . . . . . శరణు .