మోహన్ వాంకుడోత్ - ఆధ్యాత్మిక భక్తి ప్రపంచం

Thursday, January 4, 2024

శివోహం

ఏడేడు భువనాలు ఏలేటి దొరవు నీవు...

నీకెందరో ప్రియ భక్తులు...

నాకు మాత్రం నీఒక్కడివే...

నీవు వచ్చే వరకు పిలుస్తూనే ఉంటా...

తల్లిదండ్రులకు హృదయపూర్వక నమస్సులు.

శివోహం

శివ యని నోరు నొప్పి పుట్టేలా పలుకుతున్న..

నీ పిలుపు నాదమై వినిపించేలా

ఎదలో లయ ఆనందమై తుళ్ళిపడేలా ఒక్క పలుకు పలుకు హర.

శివ నీ దయ.

శివోహం

శివా!వెలుగుల వరమైన చంద్రుడు

సోమరసమును పొంది సిగలోకి చేరును

చూడనిమ్ము ఆ సోముని నీ సిగను చేరి

మహేశా . . . . . శరణు .

నాదస్వరం వినిపిస్తే పుట్టలోని పాములన్నీ బయటికి వచ్చినట్లుగా, మీరు నామస్మరణ చేస్తే మీ హృదయంలోని దుర్గుణాలన్నీ తొలగిపోతాయి. నామస్మరణ చాలా పవిత్రమైనది. ఈనాడు నామస్మరణ తగ్గిపోవడం చేతనే దేశంలో బాధలు పెరిగిపోతున్నాయి. వీధివీధి యందు నామ సంకీర్తన చేయండి. శరీరంలోని అణువణువునూ, కణకణమునూ భగవన్నామంతో నింపుకోండి. నామస్మరణ వలన కలిగే ఆనందము, ధైర్యసాహసాలు ఇంక దేనివల్లనూ లభించవు. ఇతరులేమనుకున్నా ఫరవాలేదు, అపహాస్యం చేసినా పట్టించుకోనక్కర్లేదు. దృఢమైన విశ్వాసంతో నామస్మరణ చేసినప్పుడు మీరు అన్నింటిలోనూ విజయాన్ని సాధిస్తారు. మీ మనస్సే ఒక వీణ. అందులో చెడ్డభావాలనే ‘అపస్వరాలు' రాకుండా చూసుకోండి. మనస్సనే వీణపై పవిత్రమైన భగవన్నామాన్ని పలికిస్తూ మీ జీవితాన్ని గడపండి. అప్పుడే మీకు భగవదనుగ్రహప్రాప్తి కలుగుతుంది.