జన్మజన్మల నుంచి ఇదే స్థితి
ఏ జన్మలో మారేను నా గతి
నీ తోడు లేకపోతే నా బతుకు
పోరాటంలో నిస్సహాయముగా
రోదనలు ఆక్రందనలు మినహా
ఆదుకునే నాధుడు లేడు అందుకే
నీ నీడను ఓ రాట వేసుకుని
నిలిచిపోతాను పరమేశ్వరా
ఆదుకో ఆది దేవా...
శంభో ! నీ ధర్మకాటా లో నా పాపపుణ్యాలు కాస్త అటూ ఇటూ అయినా నన్ను వదిలేయకు తండ్రీ... మహాదేవా శంభో శరణు
శివ! నేను ఏనాడో మీ పాదాక్రాంతమైన పూవును, మిమ్ము చేరినా చేరలేక పోయినా మీ పాదముల మాత్రం వీడనీయకు.. శరణు మల్లికార్జున పాద పద్మములకు...
No comments:
Post a Comment