శివోహం

చిత్రాతి చిత్రము ఇది ఎంతొ చిత్రము

ఎదురుగనున్న ఎరుక రాని చిత్రము

శిల శిలలో శిల్పముంది

ఉలి నర్తనతో అది తెలుస్తుంది

జడమైన శిలలో జీవమపుడు కనిపిస్తుంది

మౌనమైన భాషలో  నిన్ను పలకరిస్తుంది

కోర్కెలన్నవి తనకు దూరమంటుంది

తనపర భేదములు తెలియవంటుంది

కలిమిలేములు ఏవి కానవంటుంది

కదలకుండానే నిను కూడి వస్తుంది

ధ్యాన మెరిగెడి విధము తెలియజెప్పు

మౌన వ్రతము ఎటులో మిగులజెప్పు

ఏకాంత వాసమును ఎరుగజెప్పు

శాంతమనస్కుడుగ నిన్ను మెలగజెప్పు