శివోహం

మనలో ఉన్న దేవుడు కనబడపోవడానికి ప్రధాన కారణాలు రెండే రెండు తలంపులు...

మొదటిది 'నేను' అనే తలంపు...

ఇక రెండవది 'నాది' అన్న తలంపు...

మొదటిది అహంకారం...

రెండవది మమకారం...

ఈ రెండు మాలిన్యాలు వదిలించుకుంటేనే జీవుడు దేవుడౌతాడు.

ఓం శివోహం... సర్వం శివమయం.

శివోహం

శివా!కన్నెరుగని కైలాసం కోరికగా

సామీప్యం చవిచూడ నీ చేరువుగా

మెలగాలని నిన్ను అడగాలని వుంది

మహేశా . . . . . శరణు .

శివోహం

సహనమనే విత్తనం నాటండి, ఏదైనా కార్యం జరగాలి అంటే ఎంతో శ్రమ పడతాం కానీ ఫలితాలు వెంటనే మనకు కనపడవు. ఇలా ఎందుకంటే కార్య సాధన కూడా విత్తనాలు నాటే ప్రక్రియ లాగానే ఉంటు-ంది. బీజం అంకురించడానికి సమయం పడుతుంది. కొన్ని విత్తనాలు వెంటనే అంకురిస్తాయి, మరికొన్ని ఎక్కువ సమయం తీసుకుంటాయి, అలాగే మీ కార్య సాధనకు శ్రమ పడండి, సహనమనే విత్తనాన్ని కూడా పెంచండి. ఓపికగా వాటిని పెరగడం చూడండి, అందమైన పుష్పంగా, మధురమైన ఫలంగా, విశాలమైన వృక్షంగా మారే అద్భుతాన్ని చూడండి.

ఓం నమః శివాయ.

శివోహం

శివా ! నీవు తిరగడానికి  నా జన్మల కర్మల ముసలి ఎద్దు 

నీవు నా అహంపై గుచ్చడానికి ఓ త్రిశూలం 

నీవు కూర్చోడానికి ఓ పులి తోలు ఆసనం  

నీకు మెడలో అలంకారానికి మా కోర్కెల వలె బుసలు కొట్టే నాగులు 

నీ పుర్రె గిన్నె, నీ నుదిట నా  అహం భస్మపూత 

నీవు నా  కోర్కెలు తెగ నరకడానికి గండ్ర గొడ్డలి 

నీవు నా  ఆరుగురు శత్రువులపై గురి పెట్టె ధనుర్భాణములు 

శివ శివ ఇవి చాలు అయ్యా నీకు 

నీ ఒంటికి, నీ వంటకి, నీ సామను ఇంతే 

ఆనంద రూపుడివై నాలో నిలిచి పోగలవు 

నీవు ఒక అర్ధం కానీ సత్యానివి 

నీవు ఒక శూన్య శేషానివి 

శివా ! నీ దయ

శివోహం

శివా!నీ రూపం గుర్తెరుగుటకు

నీ నామం స్మరియించుటకు

నీ వాసము నా గతి నెరుగుటకు

మహేశా . . . . . శరణు .

శివోహం

శివా !  మరణ భీతి లేని అభయాన్నిచ్చి 

నీ ఆనంద తాండవ అమృత ధారలో 

నను మునుగనీ తండ్రీ 

శివా ! నీ దయ

గోవిందా

చిత్తముతో చింతించు వాడు ముక్తిని పొందు తాడు...

మనసుతో  ప్రార్దిమ్చువాడు మోక్షమును పొందుతాడు...

దాన ధర్మములు చేయువాడు స్వర్గమును చేరుతాడు...

మరణసయ్యపై  శ్రీ శ్రీనివాస అన్నా మరుజన్మలేకుండు వాడు.

హరే గోవిందా...

హరే శ్రీనివాసా.

ఓం నమో వెంకటేశయా.

ఓం శ్రీ క్రిష్ణపరమాత్మనే నమః

ఓం పరమాత్మనే నమః.