శివోహం

శివా!నా రాతలన్నీ నీ రాతలె గనుక

నేనేమి వ్రాసిన నీ పరీక్షలందు

ఉత్తీర్ణుని చేసి నన్ను ఉద్దరించవయ్యా

మహేశా . . . . . శరణు .

శివోహం

శంభో...

ఎన్నో జన్మములెత్తి, ఎత్తి, విసికి పోయాను...

ఈ జన్మతో, సరి చేయవలెను...

నే మరువనేప్పుడు, నీనామ జపమును...

శివ నీ చరణమ్ముల వద్ద రాలిపోతాను...

మహాదేవా శంభో శరణు.

శివోహం

శివా!మనసు వీడగ మనసు పడుతూ

మనసు వీడలేక మదన పడుతూ

సతమతమౌతున్నాను సాయమీయవా

మహేశా . . . . . శరణు .

శివోహం

నిన్న అన్నది ఒక జ్ఞాపకం..

రేపన్నది ఒక నమ్మకం..

నేడు అన్నది ఒక నిజం..

నిప్పులాంటి ఆ నిజాన్ని వెలుతురుగా మార్చుకుని..

గమ్యం వైపు సాగాలో,

లేక..

అవిరైపోయే అబద్ధాల కోసం..

ఆరాటపడుతూ ఆనందించాలో 

మనమే  నిర్ణయించుకోవాలి...

ఓం శివోహం...సర్వం శివమయం.

శివోహం

దిక్కు లేనట్టి వారికి దిక్కు నీవు...

ఆకలైనట్టి వారలకు అన్నపూర్ణ...

పేద వారలపెన్నిది పెద్ద తల్లి...

బడుగు జీవుల పాలిటి కల్పవల్లి...

అమ్మ నీ దయ ఉంటే అన్ని ఉన్నట్టే...

ఓం శ్రీమాత్రే నమః

ఓం శివోహం... సర్వం శివమయం.

శివోహం

శివ...

కలిమయాలో లో ఉన్న...

కల్తీ మనసుల మధ్య ఉంటూ...

కలుషిత మాయెను మనసు...

నీ సేవలేల చేయగలను...

నీ కేమిచ్చి  మెప్పించగలను...

సర్వం నీవే సకలం నీదే కదా శివ...

కనుకట్టు తొలగించు కనుపిప్పు కలిగించు...

మహాదేవా శంభో శరణు...

శివోహం

శివా!మూణాళ్ళ ముచ్చట ఇలను ముగిసి

మరుభూమి బాటలో మేము పయనించు వేళ

స్వాగతించగ మమ్ము వేచి వున్నావా .

మహేశా . . . . . శరణు .