శివోహం

తలపులు కొలదుల భజింతురు 
నిముషము మనసున సేవింతురు
ఘనమని తలచిన ప్రేమింతురు  
మరువను మనసున వెంకటేశా 

శివోహం

శివ...

నువ్వు సర్వేశ్వరుడివి...

భక్తులందరికీ ఆరాధ్యదేవుడవు...

నువ్వు కానిది ఏదీ ఈ లోకంలో లేదు...

ఒకే ఒక కోరిక తండ్రి...

నా దుఃఖాన్ని, దారిద్ర్యాన్ని హరించే నీ పాదపద్మముల సన్నిధిని నాకు ప్రసాదించు....

నా లోని ఆర్తిని, దీనత్వాన్ని తొలగించే నీ కృపాద్రుష్టిని నాపై వర్షింపచెయ్యి తండ్రి...

మహాదేవ శంభో శరణు

శివోహం

ఈ ప్రపంచాన్ని పాలించేవారు ఒకరు వున్నారు.

ఆయనే భగవంతుడు.

పాలించడమే కాదు, భరిస్తున్నది కూడా ఆయనే.

మనం భరిస్తున్నామనుకోవడం వెర్రితనం.

పరమేశ్వరుడే సకల భారాలను భరిస్తున్నాడు.

కానీ, నీవు 'నేను భరిస్తున్నాను' అని అనుకుంటున్నావు.

నీ బాధ్యతలు, భారాలూ భగవంతునిపై వుంచి

నీవు నిశ్చింతగా వుండు...

ఓం శివోహం... సర్వం శివమయం

శివోహం

శివా!భక్తి కలిగి కోరుకుంటి నీదు స్నేహము

ముక్తి నడుగ చేయలేను నేను సాహసం

నీ సాయుజ్యం అందించు అదే నాకు చాలును

మహేశా . . . . . శరణు.

శివోహం

నా మనసు నీ తలపులపై నిలవగా...

నీ నామము మననంతో మౌనం అలవడి...

అనుదినం నీరూపు రేఖల విభూతిని...

అనుభూతిగా ఆనందించు చున్నాము..

అలానే నా మదిలో స్థిరంగా నిలిచిపో పరమేశ్వరా...

మహాదేవా శంభో శరణు...

శివోహం

అంతులేని బంధనాల్లో మనిషిని యిరికించివేసి ఎన్నోవిధాలుగా యిబ్బంది పెట్టే ఆశల పాశాలను తునాతునకలు చెయ్యగలిగేది వైరాగ్యం. .

వైరాగ్యం పదునైన కత్తి మణికంఠ నీ నామ స్మరణ ఒక్కటే.

హరిహారపుత్ర అయ్యప్ప శరణు.

శివోహం

అమ్మ బిక్ష నా జీవనయానం...

బిడ్డకేది క్షేమమో తల్లికి మాత్రమే తెలుసు..

కంటికి రెప్పలా బిడ్డలను కాపాడుకోవటం మాతృమూర్తిస్వభావం...

అమ్మ దయ ఉంటే అన్నీ ఉన్నట్టే...

అమ్మ మాయమ్మ దుర్గమ్మ శరణు.

ఓం శ్రీమాత్రే నమః

ఓం దుర్గాదేవినే నమః

ఆధ్యాత్మిక భక్తి ప్రపంచం