శివోహం

శివా!నన్ను చూసి పిచ్చివాడని నవ్వుకోకు

నాకు పట్టుకుంది  నీ పిచ్చే వేరనుకోకు

ఆ పిచ్చి ముదిరిపోనీ నీ చిచ్చు రగిలిపోనీ

మహేశా  .  .  .  .  .  శరణు  .

శివోహం

శివ...

అన్నింటికీ కర్తవు నీవే కదా అన్ని నీవే చేస్తావు కదా...

నడవడం చేతకాక తప్పటడుగులు వేస్తున్న నన్ను పట్టుకొని  నీవే తీసుకో...

మనస్సుకు పూర్వజన్మల వారసత్వయంగా సంక్రమించిన వాసనల నుండి నన్ను నీవే విడుదల చేయాలి 

ప్రాపంచిక విషయాల్లో విజృంభిస్తున్న నా మదిని నిలువరించి నిరంతరం నీ నామస్మరణం నాలో ఉండేట్టు తర్పీదు ఇవ్వాలి

సదా నీ చరణాల వద్ద నా బుద్ది స్థిరంగా ఉండేటట్టు నీవే చూసుకో...

మహదేవా శంభో శరణు. 

                                       *మోహన్ వి నాయక్*

శివోహం

నువ్వు నాలో ఉన్ననాళ్ళు...

నా గుండెలో నీ నామం...

ఓంకార నాదమై మొగుతూనే ఉంటుంది తండ్రి...

హరిహారపుత్ర అయ్యప్ప శరణు....

ఓం శివోహం... సర్వం శివమయం.

శివోహం

శివా!ఉపాదులన్నిటా నీ మెరుపు వున్నట్టు

లింగరూపాన నంది మోపురం మెరిసె

ఇది నీ సృష్టి చిత్రమే చిత్త భవుడా

మహేశా . . . . . శరణు .

శివోహం

జన్మ మృత్యు జరా వ్యాధులతో కూడిన ఈ లోకంలో జీవునికి సుఖ సంతోషాలెక్కడివి?...

ఒక్క పరమేశ్వర శరణాగతి లో తప్ప ఎక్కడా ఆనందం కనిపించదు...

ఒంటరిగా లోకంలోకి ప్రవేశించిన మనిషికి ఎవ్వరితోటి సంబంధం కలదు?...

మాయా జగన్నాటకం లో బూటకపు సంబంధాలతో వాదులాటలెందుకు? కొట్లాటలెందుకు? మిత్రమా...

ఓం శివోహం... సర్వం శివమయం.

శివోహం

దైవంకోసం, దేవతానుగ్రహంకోసం ఎప్పుడూ ఎదురు చూడకుండా, బైటనుంచి ఎటువంటి సహాయం కోసం చూడకుండా, ఎప్పడూ దేనికీ ... ఎవరిమీద దేనిమీద దేనికోసం ఆధారపడకుండా, ప్రతిఒక్కరూ ప్రతిక్షణం తమను తాము ఏ అరమరికా లేకుండా, ఎటువంటి దురాభిమానం పక్షపాతం, స్వార్ధం లేకుండా, లోపల బైటా పరిశీలించుకోవాలి,పరీక్షించుకోవాలి,పరిశోధించుకోవాలి. పాపం, హింస, వాంఛ, మోహం, స్వార్ధం మొదలగువాటికి జీవనగమనంలో చోటులేకుండా, దయ, ప్రేమ, కరుణ, సమానత్వం కలిగి... అందరూ అంతా ఒకటే, సమానమే ఆన్న ఏకత్వభావంతో, దృఢసంకల్పంతో సాధన చేస్తూ సన్మార్గవర్తనులై జీవించాలి...

ఓం శివోహం.. సర్వం శివమయం

శివోహం

శివా!పుట్టి గిట్టుట పరిపాటి గాని

గిట్టి పుట్టుట మా కర్మఫలమంటివి

కర్మ ఫల నైవేధ్యం నీకే అర్పించెదా

మహేశా . . . . . శరణు .