నిన్ను నమ్మితే చాలు
గాజు ముక్కలోనూ ఉంటావు
మహాశివా
నిను కొలవాలే గాని
సర్వత్రా నీవే కొలువై ఉంటావు
సదా శివా
నీవు లేనిది ఎక్కడ
గాలి లోనూ నీటిలోనూ
నిప్పులోనూ నింగిలోనూ
అంతటా నీవే నిలచి ఉన్నావు
జగదీశుడవు
ఆది దేవుడవు
ధర్మార్మ కాల స్వరూపుడవు
నిను పూజించని కరములా ఇవి
కాల సర్పంలా విషం చిమ్మునవి
నిను నమ్మిన వారికి
ఆపన్న హస్తాలు
అభయంకరా శంభో శంకరా
నిను చేర మార్గముపదేశింపరా
హరా పరమేశ్వరా
భద్రుడవు నీవే
రుద్రుడవు నీవే
మంగళాకారుడవూ నీవే
చిదానంద స్వరూపమూ నీదే
అన్నీ తెలిసీ మా పై ఈ పరీక్షలేల
త్రయంబకుడవూ నీవే
అర్దనారీశ్వరుడవూ నీవే
సదా నిర్వికారుడవూ నీవే
భోళా శంకరుడవూ నీవే
కాలుడవు నీవే మహా కాలుడవూ నీవే
సర్వేశ్వరా అంతటా
నీవే నిండి ఉన్నావు
నిరాకారా నిర్విఘ్నకారకుడివి
సదా నిన్నే స్మరింతు
శ్రీశైల వాసా శ్రీ మల్లిఖార్జునా..!
