శివోహం

శంభో...

నా బుధ్ధి అంతా నీ మీదే ఉంచు...

గంగ ఎంత వేగంగా తిరిగినా చివరకి సముద్రం వైపునకు ప్రవహించురీతిన, నా బుధ్ధి ఎంత చంచలంగా ఉన్నా ఇతరముల వైపునకు మరలక,

నిన్నే కలిసేటట్లు నీయందే ఉండాలా అనుగ్రహించు...

మహాదేవా శంభో శరణు.

శివోహం

నేను నీకు సర్వదా కృతజ్ఞుణ్ణి తండ్రి...

నీ సృష్టిని చూసి తరించే దృష్టిని...

నీ లీలలు పాడే తీయని పలుకుని...

నిన్ను చేరే వడి వడి నడకని...

నీలో లీనమవాలనే చైతన్యాన్ని ఇచ్చి నన్ను

సృష్టించినందుకు...

మహాదేవా శంభో శరణు...

శివోహం

ప్రేమికుడంటే పరమేశ్వరుడే...

అమ్మకి తనలో సగానిచ్చి జనానికి ప్రేమతత్వాన్ని బోధించిన ఆది ప్రేమగురువు నా శివుడు...

ప్రేమిస్తే శివుడిలా ప్రేమించాలి...

శివుడిలా ఆ ప్రేమను గెలిపించుకోవాలి...

శివుడిలా ఆ ప్రేమను నిలబెట్టుకోవాలి...

ఓం శివోహం... సర్వం శివమయం

శివోహం

శంభో...

మనసులో ఎన్నో ఆశలు పుట్టిస్తావు...

కోర్కెల వెంట పరుగులు తీయిస్తావు...

బంధాలలో బంధిని చేసి మము ఇరికిస్తావు...

నీవు ఆడే ఆటలో బొమ్మలను చేసి...

నీకు తోచినట్టు మలచుకుంటావు...

చిత్రమయ్యా నీ లీలలు అంతుపట్టదు...

శంభో నువ్వు ఆడే ఆటలు నేను అడలేను...

జీవితం లో మళ్ళీ మళ్ళీ నేను ఒడిపోలేను...

నా దారి నీ వైపు మళ్లించి నన్ను గెలిపించు

మహాదేవా శంభో శరణు...

శివోహం

మిమ్మల్ని మీరు నిరంతరం సానుకూల స్థితిలో ఉంచుకోండి మరియు మీ మనస్సును దేవుని ఆలోచనలతో నింపండి...

మీరు చీకటి గదిని కాంతివంతం చేయాలనుకున్నప్పుడు మీరు ఎలా చేస్తారో ఆ విధంగా మీ మనస్సుతో వ్యవహరించండి...

మీరు చీకటితో పోరాడకండి...

మీరు చీకటిని వెలుగులోకి తీసుకురండి, అప్పుడు చీకటి తొలగిపోతుంది...

ఓం శివోహం... సర్వం శివమయం

శివోహం

ఈ భోగ భాగ్యాలూ  సుఖసంతోషాలు 

అన్నీ  తాత్కాలిక మైనవే...

భగవంతుని కరుణ దయ ఆశీస్సుల కోసం ప్రతి ఒక్కరూ పంచేద్రియాలను నిగ్రహించుకుని పరమాత్మకై తపించాలి...

ఇతర విషయాలపై మన దృష్టిని కేంద్రీకరిస్తే కాలం వృధా అవుతుందే తప్ప ప్రయోజనం ఉండదు...

ఇతర విషయాలపై  నీ  మనస్సునీ  బుద్దిని కేంద్రీకరించకు...

సదా నన్ను  గుర్తుంచుకో  అప్పుడే  నీ  జ్ఞాన చక్షువులు 

లౌకిక విషయానురక్తిని వీడి శాశ్వాతానంద ముక్తి మార్గం వైపు పయనించి  నిన్ను  పరిశుద్ధణ్ణి చేస్తాయి స్థితప్రజ్ఞుడవు  అవుతావు...

ఓం శ్రీ స్వామియే శరణం అయ్యప్ప...

ఓం శివోహం... సర్వం శివమయం.

శివోహం

శంభో...

నా తపమును మూలాధారం నుండి సహస్రారం చేరటానికి ఇంకా ఎన్ని చక్రాలు దాటాలి శివా.

నా యాతన మూలాధారం నుండి ముందుకు కదలడం లేదు...

ఉపచక్రాలు ఎన్ని ఉన్నాయో శుద్ధి చేసుకునే దారి

చూపి నన్ను నీ దరికి చేర్చుకో పరమేశ్వరుడా...

మహాదేవా శంభో శరణు.