శివోహం

నెత్తిన తైతక్కల గంగ...

నుదుటన నిప్పులుమిసే కన్ను...

కంఠాన విషపు కొలిమి మేన కాష్ఠపు బూది చాలవా నీకు...

బహు తిక్కల రేడు వని తెలుప ఈ విన్యాసమేలా...

మహాదేవా శంభో శరణు

శివోహం

శంభో...

పట్టు పంచ విడిచి పులి చర్మాన్ని కప్పుకున్నావు...

నీవెంతటి పేదవాడివో

వజ్ర వైడూర్యాలు వద్దని మెడలో పాముని అలంకరించుకున్నావు...

నీవెంతటి సామాన్యుడివో

రాజువైన ఐరావతాన్ని వదిలి నందిని వాహనంగా పెట్టుకున్నావ్

నీవెంతటి వీరుడివో

భక్తులు పిలిస్తే పరుగున పరిగెత్తుకొస్తావ్ నీవెంతటి దయా హృదయుడవో శివ...

మహాదేవా శంభో శరణు.

శివోహం

నా మనసు నీ మాయజాలలో విహరిస్తుంది...

నా హృదయము నీకై తపిస్తూ నిన్నే జపిస్తూ....

నిన్ను చూడాలని కలవరపెడుతోంది...

నీ పిలుపు కోసం వేచి ఉన్నా...

పరుగున చేరుటకు సదా సిద్ధం...

ఆజ్ఞాపించవేమి తండ్రి.....

నిన్ను చూసి తరించే భాగ్యాన్ని 

నాకు కల్పించవేమి శివ...

మహాదేవా శంభో శరణు...

శివోహం

అడ్డనామాలవాడు ఆదుకొనెడి దేవుడువాడు

ముక్కంటివాడు ముల్లోకములనేలువాడు

జంగము ధరించినవాడు జగమునేలే దేవుడువాడు

కాటికాపరివాడు కలియుగదేవుడేవాడు...

సిరులనిచ్చే దేవదేవుడు...

హర హర మహాదేవ శంభోశంకర...

ఓం శివోహం... సర్వం శివమయం

శివోహం

శరణం శరణం భవతరణ....

శబరిగిరీశా అయ్యప్ప....

శుభదం శుభదం నీ చరణం...

హరిహరపుత్ర అయ్యప్ప...

ఓం శ్రీ స్వామియే శరణం ఆయ్యప్ప

శివోహం

నువ్వు కావాలనుకున్నప్పుడు ఏది రాదు...

నీకు రావాలని రాసి పెట్టింది ఏది ఆగదు..

రాలేదని కృంగిపోకు...

వచ్చిందని పొంగిపోకు...

జరిగేవన్నీ నీ ఖర్మలో భాగమే కానీ జరిపించేదంతా భగవంతుడే...

ఓం శివోహం... సర్వం శివమయం

శివోహం

దేహి దైవాన్ని  నిత్యం దర్శించాలి

స్పృశించాలి సేవించాలి  సంభాషించాలి  

సాష్టాంగ పడాలి సమాధన పడాలి

తన వేదనను రోదనను వాదనను  

అర్తిని అర్థ్రతను స్వామి ముందుంచాలి

సాయంకోరాలి అహంకారం  వీడాలి

సంస్కారం పరిమళించాలి

ఆశలను తిరస్కరించాలి 

సహకారాన్ని  స్వీకరించాలి

ఓంకారంతో నమస్కారం సమన్వయపడాలి 

ప్రియంగా మాట్లాడాలి హితంగా పలుకరించాలి

మనచేతలు పరహితంకావాలి

మన స్వార్థం మరొకరికి అపకారం కారాదు

ఉపచారాలు ఉపకారాలు

తుష్టిని  పుష్టిని కల్పిస్తాయి  

సాత్త్వికతం అనుసరించినవారికి 

ఉద్వేగాలు ఉద్రేకాలు  అంతరిస్తాయి

మనసులు ప్రసన్నమవుతాయి

అప్పుడే మనలోని  భక్తి భావనకు అర్థం ఉంటుంది

బ్రతుకు పరమార్థం సార్థకమవుతుంది...

ఓం శివోహం... సర్వం శివమయం