శివోహం

నీవు నా మదిలో సదా కొలువై

నా తలపుకు నెలవై

నాకు చేరువై ఉంటూ నన్ను కాపాడుతూనే ఉన్నావు...

కానీ నేనే అహంకారం తో నిన్ను కనలేకపోతున్న...

హరిహర పుత్ర అయ్యప్ప శరణు 

మణికంఠ శరణు...

శివోహం

శివా! దేహములో ఉన్నా నీవు దేహివి కావు

దేహముతో ఉన్నా నేను దేహముకాదు

అంతా అయోమయం. జగమంతా శివమయం

మహేశా ..... శరణు..

శివోహం

బరువైన బాధలను కన్నీటితో...

మోసేస్తూ ఉండాలి మరి...

ఎందుకంటే జీవిత నాటకంలో...

ఆటాడించే వాడు ఒకడుంటాడు...

ఓం శివోహం.. సర్వం శివమయం

శివోహం

జారిపడే కన్నీటి బోట్టు 

బరువుగా వుండకపోవచ్చు కానీ 

దానిలో దాగివున్న బాధ మాత్రంబరువైనదే తండ్రి...

శివ నీ దయ...

మహాదేవా శంభో శరణు...

శివోహం

శివా నేను నిన్ను వెలుపల వెదుకుతున్నా...

నీవేమో నాలో దాగుడుమూతలాడి...

క్షణం కనిపించి లోపలకెళ్ళిపోతున్నావు...

బయటైతే ఎవరినైనా అడగవచ్చు...

లోపల ఉన్న నీ గురించి తెలుసుకోవాలంటే

నాతో నేను మాట్లాడుకోవాలి...

మహాదేవా శంభో శరణు...

శివోహం

ప్రాణిగా నేను

ప్రాణంగా నీవు

దేహంగా నేను

దేహిగా నీవు

భేదంగా నేను

అభేదంగా నీవు

నువ్వే నేను నేనే నువ్వు...

మహాదేవా శంభో శరణు...

శివోహం

వేడి కంటి వాడు...

వేల కన్నుల వీడు...

పామును మెడలో వీడు..

పాము పైనే వాడు...

పేరు,రూపము వేర్వేరు...

గాని వీరు యిద్దరు ఒక్కటే...

ఓం శివకేశవయ నమః