శివోహం

మోహం లేక వ్యామోహం పుట్టదు..

చింత లేక చింతన పుట్టదు..

అతిభోగలాలసత్వం లేక వైరాగ్యం పుట్టదు..

శివోహం.... సర్వం శివమయం...

శివోహం

ఈ తనువు గతమెన్నో జన్మలనుండి నీ వెంట పడినా...

ఈ జన్మములో నీవెవరివో అర్ధమయింది...

అందుకే ఆతురత నిన్ను కలవాలని...

నీతో ఉండిపోవాలని, నీ పంచన నిలవాలని...

మనసు  తహతహలాడుతుంది...

మహాదేవా శంభో శరణు...

శివోహం

అణువణువూ వెలసిన దేవుడా...

నీ అడుగుల నడుమ నాకింత చోటు కల్పించు...

మహాదేవా శంభో శరణు...

శివోహం

శంకరా!!!

నీ నామము తలచిన చాలు...

నా మనసు నీ తన్మయత్వంలో తరించిపోతుంది...

మహాదేవా శంభో శరణు...

శివోహం

నీవు తోడుగా

ఉన్నావనే నమ్మకం

కొండంత

ధైర్యంగా ఉంటుంది తండ్రీ

శివోహం  శివోహం

శివోహం

తండ్రీ 

నీవు తప్ప 

ఈ సృష్టిలో

శాశ్వతమైనది ఏదీ లేదు 

అన్నీ 

నశించి పోయేవే 

శివోహం  శివోహం

శివోహం

రెండు కనులను 

ధారపోస్తే కానీ 

తిన్నడు నీ దరిని చేరలేదు

కొడుకు శరీర  మాంసాన్ని 

నివేదిస్తే కానీ 

శిరియాళుడు నీ చేరువ కాలేదు

మూఢ భక్తితో  ప్రాణాలను 

వదిలితే కానీ 

మూగజీవాలు నీ ముక్తిని పొందలేదు

ఏమి ఇవ్వగలనయ్యా 

నేనెవరితో సాటి 

నాకు ఎందుకయ్యా 

గొప్పవారితో పోటీ 

శివోహం  శివోహం