శివోహం

శివా!శివరాత్రి తెలియాలి నాకు

శివ దర్శనమవ్వాలి ఈ జన్మకు

నిటలాక్షా నన్నింక తిప్పకు

మహేశా . . . . . శరణు .

శివోహం

అంతటా తానై...

అన్నీ తానై...

అందరిలో తానై...

ప్రాణుల మనుగడకు...

సృష్టి  స్తితి లయాలకు...

కాలచక్ర భ్రమనానికి కారణ భూతమై...

సూర్య చంద్రుల రూపంలో...

కళ్ళ ముందు నిత్యం వెలుగొందుతూ దర్శన మిస్తు...

నిత్యం నన్ను కాపాడే నా స్వామి సదా శివుడే సదా నాకు...

మహాదేవా శంభో శరణు...

శివోహం

శివా!హాలాహలాన్ని అదిమిపట్టి

అమృతాన్ని విడిచిపెట్టినా

నీవె శాశ్వతుడవు నీలకంఠా

మహేశా . . . . . శరణు .

శివోహం

నీవు పరమాత్ముడవు...

నేను జీవాత్ముడను...

కానీ నా అంతరాత్మలో  నిన్ను చూడాలన్న ఆవేదన...

నాలాంటి అజ్ఞానాంధకారబంధురంలో

కొట్టుమిట్టాడే కర్మబద్ధుడికి అది సాధ్యమేనా తండ్రి...

మహాదేవా శంభో శరణు...

శివోహం

ప్రేమ కన్నా విధేయత...

విధేయతకన్నా అర్పణ గొప్పవి...

ఒక్క మాటలో చెప్పాలంటే ప్రేమ, విధేయత, అర్పణ ఈ మూడూ కలిస్తే భగవత్ ప్రేమ అవుతుంది.

ఓం శివోహం... సర్వం శివమయం.

శివోహం

మాయ జలమున మునిగేవు మనసా...

దారి తెలియక తడబాటు ఎలా...

జ్ఞాన నేత్రమున వెదికి చూడవే మనసా...

శాశ్వత జ్యోతిని కనుగొనవే మనసా..

ఓం శివోహం...సర్వం శివమయం.

శివోహం

సర్వలోక నాయకా

శ్రీ ఆశ్రిత రక్షకా

శ్రీ సర్వసంపద దీపికా

శ్రీ దేవి వల్లభా

శ్రీ అభయప్రధాతా

శ్రీ పద్మనాభా

శ్రీ వేణునాదామృతా

శ్రీ వేంకటేశ్వరా శరణు...